30 ნოემბერს, თბილისის ნაწილს ელექტროენერგიის მიწოდება დროებით შეუწყდება. თელასის ცნობით, შეზღუდვა შეეხება საბურთალოს, გლდანის, სამგორის და დიდუბის რაიონებს. კომპანია მიზეზად ავარიის პრევენციას და ქსელის გაუმჯობესებას ასახელებს.
საბურთალოს რაიონი
12:00-დან 16:00-მდე, შეზღუდვა შეეხება: ვაჟა-ფშაველას გამზირის (ნაწილობრივ) და ჭელიძის ქუჩის მაცხოვრებლებს, 11:00-დან 14:00-მდე კი, ჩიქოვანის, ბალანჩივაძის, დოლიძის და ლიხაურის ქუჩების მაცხოვრებლებს.
გლდანის რაიონი
10:00-დან 18:00-მდე, შეზღუდვა შეეხება გლდანის მასივის „ა” და VII მიკრორაიონების, თიანეთის გზატკეცილის, ქერჩის, მორეტის და ვართაგავას ქუჩების მაცხოვრებლებს.
სამგორის რაიონი
10:00-დან 16:00-მდე, შეზღუდვა შეეხება: აეროპორტის დასახლების (ნაწილობრივ) მაცხოვრებლებს.
დიდუბის რაიონი
10:00-დან 18:00-მდე, შეზღუდვა შეეხება: აკაკი წერეთლის გამზირის, ფიფიას, ვორონინის და ცაბაძის (ნაწილობრივ) ქუჩების მაცხოვრებლებს.
“კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება” – აცხადებს თელასი.