გავლენიანი გამოცემა The Wall Street Journal ამერიკელებს საარჩევნო კვირის განმავლობაში გასამხნევებლად სხვა კერძებთან ერთად, აჭარულ ხაჭაპურს სთავაზობს, რომელიც, სიაში პირველ ადგილს იკავებს:
“კანოეს ფორმის პური სავსეა გამდნარი ყველით. ღუმელიდან მისი გამოღებისთანავე მას ცენტრში გატეხილ კვერცხს ასხამენ და ერთმანეთში ურევენ. ის და ნაპირიდან მოტეხილი პურის გემო გაფიქრებინებთ, ხომ არ ღირს თბილისში საცხოვრებლად გადასვლა”, – ნათქვამია კერძის აღწერაში.
გავლენიანი გამოცემა ამერიკელებს ურჩევს, რომ საარჩევნო სტრესის მოსახსნელად, ქართულის გარდა, შვეიცარიული, ბრიტანული და იტალიური კერძებიც დაიხმარონ.
შეგახსენებთ, რომ ამერიკის შეერთებულ შტატებში საპრეზიდენტო არჩევნები დღეს, 8 ნოემბერს, იმართება. შედეგების შესახებ ხვალ, თბილისის დროით დილის 9 საათზე გახდება ცნობილი.