მოსკოვში Amnesty International-ის ოფისი დალუქეს. საერთაშორისო უფლებადამცველი ორგანიზაციის რუსული ფილიალის ხელმძღვანელის, სერგეი ნიკიტინის განცხადებით, ხელისუფლებამ ორგანიზაციის ოფისი მოულოდნელად დახურა.
Fox News-ის ცნობით, დილით სამსახურში მისულ თანამშრომლებს ოფისი დალუქული დახვდათ.
ნიკიტინი აცხადებს, რომ Amnesty International-ი მოსკოვის ოფისს 20 წელიწადზე მეტია პირდაპირ მუნიციპალური ხელისუფლებისგან ქირაობს.
ნიკიტინი აღნიშნავს, რომ დალუქვის მიზეზის გასარკვევად ის კართან დატოვებულ სატელეფონო ნომრებზეც რეკავს, თუმცა არავინ პასუხობს.