მსოფლიო ეკონომიკური ფორუმის გლობალური კონკურენტუნარიანობის ინდექსის 2016-2017 წლების ანგარიშის თანახმად, საქართველოს პოზიციები უსაფრთხოების კუთხით გაუარესდა. 2015-2016 წლების ანგარიშით, უსაფრთხო ქვეყნების რეიტინგში საქართველოს მე-16 ადგილი ეკავა, ახალი ანგარიშით კი 28-ე ადგილზე ჩამოქვეითდა. ქვეყნის უსაფრთხოება შემდეგი კომპონენტების საფუძველზეა შეფასებული: ტერორიზმის საფრთხის გავლენა ბიზნესზე, კრიმინალისა და ძალადობის გავლენა, ორგანიზებული დანაშულის დონე და პოლიციისადმი ნდობა ქვეყანაში. ბოლო ანგარიშის მიხედვით, ოთხივე კომპონენტის ქულა გაურესდა.