aviabiletebi
ახალი ამბები მთავარი პოლიტიკა სამართალი

პრემიერი თარგამაძის ავტომობილის აფეთქებას საგანგებო განცხადებით გამოეხმაურა

aviabiletebi
ავიაბილეთები

საქართველოს პრემიერ-მინისტრი გიორგი კვირიკაშვილი, დეპუტატ გივი თარგამაძის ავტომობილის აფეთქებას  საგანგებო განცხადებით გამოეხმაურა:

 

“ეს უმძიმესი დანაშაული შეიძლება იყოს მხოლოდ იმ ძალის ინტერესებში, რომელიც ვერ ეგუება ჩვენს ქვეყანაში თავისუფალ და მშვიდ საარჩევნო გარემოს.

 

აუცილებლად უმკაცრესად აგებთ პასუხს კანონის წინაშე. ვერცერთ დამნაშავეს ვერ დაიცავს ვერანაირი იმუნიტეტი ან სხვა ქვეყნის მოქალაქეობა! ყველა აგებს პასუხს!

 

ის რაც მოხდა დღეს საღამოს თბილისში, არის არა მხოლოდ ქვეყნის წინააღმდეგ მოწყობილი დივერსია, არამედ ეს არის არჩევნების წინ ქვეყანაში არეულობის მიზნით, საქართველოს მტრების მიერ დაგეგმილი პროვოკაცია. უკვე დაწყებულია გამოძიება და ტარდება ყველა საჭირო ღონისძიება დამნაშავე პირების დასაკავებლად. ეს უმძიმესი დანაშაული შეიძლება იყოს მხოლოდ იმ ძალის ინტერესებში, რომელიც ვერ ეგუება ჩვენს ქვეყანაში თავისუფალ და მშვიდ საარჩევნო გარემოს,”- ნათქვამია პრემიერის განცხადებაში.

 

იტვირთბა....