ესთეტიკური ცენტრებისა და სილამაზის სალონების რეგისტრაცია სავალდებულო ხდება. ინფორმაცია დღეს ჯანდაცვის მინისტრის მოადგილემ ვალერი კვარაცხელიამ სპეციალურ ბრიფინგზე გაავრცელა.
მისი თქმით C ჰეპატიტის შემცირებისა და გაქრობის პროგრამის ფარგლებში, ინფექციების პრევენციისა და სანიტარული ნორმების დაცვის მიზნით “საზოგადოევრივი ჯანმრთელობის შესახებ” კანონში ცვლილება შედის და სალონების და ესთეტიკური ცენტრების რეგისტრაცია სავალდებულო ხდება.
ამის შესახებ ტექნიკური რეგლამენტი დაწესებულებებს უკვე გადაგზავნილი აქვთ. წინააღმდეგ შემთხვევაში, სალონებს ფულადი სანქციები დაეკისრებათ.