საკონსტიტუციო სასამართლოში “რუსთავი 2”-ის ადვოკატმა თამთა მურადაშვილმა ორი მოსამართლის აცილების შუამდგომლობა შეიტანა.
როგორც ადვოკატი აცხადებს, მოსამართლეებმა მერაბ ტურავამ და ოთარ სიჭინავამ, საჯარო გამოსვლებში საკმარისი საფუძველი გამოავლინეს, რომ დადგეს მათი აცილების საკითხი:
„მათ საჯარო განცხადებებში ნათლად ჩანს ის გარემოება, რომ ეს მოსამართლეები ვერ იქნებიან დამოუკიდებლები და მიუკერძოებლები “რუსთავი 2”-ის მიმართ. ისინი თვლიან, რომ “რუსთავი 2” არის არაობიექტური. ბატონმა ტურავამ უშუალოდ გააკრიტიკა ჩვენი სიუჟეტები, ეს და სხვა გარემოებები გახდა საფუძველი, რომ ამ ორი მოსამართლის აცილების საკითხი დაგვეყენებინა“, – განაცხადა თამთა მურადაშვილმა.
შეგახსენებთ, რომ ტელეკომპანია “რუსთავი 2”-ისა და სხვა გახმაურებული საკონსტიტუციო სარჩელების განხილვაზე თვითაცილება მოსამართლე ლალი ფაფიაშვილმაც მოითხოვა. ამ დრომდე თვითაცილების საკითხზე საკონსტიტუციო სასამართლოს პლენუმს არ უმსჯელია.