საკონსტიტუციო სასმართლოში პირველი სექტემბრისთვის ჩანიშნული საკითხების განხილვა გადაიდო. დღეს სასამართლოში თბილისის ყოფილი მერის გიგი უგულავსა და ე.წ. კაბელების საქმის განხილვა უნდა გამართულიყო.
“პირველ სექტემბერს 15:00 საათზე დაგეგმილი N740 და N764 გაერთიანებული კონსტიტუციური სარჩელების (მოსარჩელეები – გიორგი უგულავა, ნუგზარ კაიშაური,დავით წიფურია, გიზო ღლონტი, გიორგი ლობჟანიძე, არჩილ ალავიძე; მოპასუხე – საქართველოს პარლამენტი) არსებითი განხილვა არ შედგება. მხარეებს დამატებით ეცნობებათ არსებითი განხილვის თარიღის შესახებ”,-ნათქვამია სასამართლოს მიერ გავრცელებულ ინფორმაციაში.