კიევში რუსი ჟურნალისტი ალექსანდრე შეტინინი საკუთარ სახლში გარდაცვლილი იპოვეს. ცხედარი მისმა მეგობრებმა აღმოაჩინეს, – ინფორმაციას ამის შესახებ რუსული მედია ავრცელებს.
რუსული მედიის ცნობით, სამართალდამცველების განცხადებით, არსებული ყველა გარემოება მიუთითებს, რომ ჟურნალისტმა თავი მოიკლა, თუმცა ექსპერტიზის დასრულებამდე გამოძიება პროფესიული საქმიანობიდან გამომდინარე მკვლელობის ვერსიასაც არ გამორიცხავს.
შეტინინის კოლეგების განცხადებით, საინფორმაციო სააგენტო “ახალი რეგიონის” დამაარსებელს ბოლო პერიოდში ფინანსური და ოჯახური პრობლემები ჰქონდა.