“თავისუფალი დემოკრატების” წევრმა ნიკოლოზ ფრუიძემ დღეს გამართულ ბრიფინგზე განაცხადა, რომ პარტია ყველა სახის ნარკოტიკული ნივთიერების დეკრიმინალიზაციის ინიციატივის მომხრეა.
ფრუიძის განცხადებით, სამტრედიაში მომხდარ ტრაგედიაზე, რომელსაც 22 წლის ახლგაზრდა ადამიანი ემსხვერპლა, პასუხისმგებლობა ეკისრება როგორც ქვეყნის სამართალდამცველებს, ასევე სახელმწიფოს. მისი თქმით, ბოლო ათწლეულებია ქვეყანაში არასწორი ნარკოპოლოტიკა ხორციელდება.
“თავისუფალი დემოკრატები” ნარკოტიკების გამსაღებლებისა და გამავრცელებლების მიმართ სისხლის სამართლის პასუხისმგებლობის გამკაცრებასაც მოითხოვენ.