ახალი ამბები მთავარი სამართალი

ქვევრში ნაპოვნი ქალის მკვლელობაში ეჭვმიტანილი დააკავეს (ვიდეო)

ყვარლის რაიონის სოფელ შაქრიანში ქალის მკვლელობაში ეჭვმიტანილი 1988 წელს დაბადებული, წარსულში ნასამართლევი გ.ხ. დააკავეს.

როგორც შსს-ში აცხადებენ, გამოძიებამ დაადგინა, რომ ბრალდებულმა მიმდინარე წლის 5 აგვისტოს, ღამით, ყვარლის რაიონის სოფელ შაქრიანში, თანასოფლელის, 1939 წელს დაბადებული თ. ხ.-ს საცხოვრებელ სახლში ქურდობის მიზნით, ფარულად შეაღწია. სახლის მეპატრონემ გ. ხ. შეამჩნია, რის შემდეგაც ბრალდებულმა ქალბატონს თავის არეში ბლაგვი საგნით დაზიანებები მიაყენა, მისი სხეული მარანში, ქვევრში, კვალის დაფარვის მიზნით გადამალა, ხოლო სახლში ხანძარი გააჩინა და მიიმალა. პოლიციამ გ. ხ. მომხდარიდან რამდენიმე დღეში, თელავში დააკავა.

დაკავებული ჩადენილ დანაშაულს აღიარებს. გამოძიება განზრახ მკვლელობის ფაქტზე მიმდინარეობს (საქართველოს სსკ-ს 108-ე მუხლით).

 

 

 

ავიაბილეთები იაფად
იტვირთბა....