fbpx
ახალი ამბები მთავარი ჯანდაცვა

ელექტრონული რეცეპტი: დღეიდან ექიმს შეუძლია დანიშნულება ელექტრონულად გასცეს

დღეიდან ექიმს შეუძლია დანიშნულება ელექტრონულად გასცეს, რისი მეშვეობითაც პაციენტი აფთიაქში მედიკამენტებს მიიღებს – ამის შესახებ დღეს ჯანდაცვის მინისტრმა დავით სერგეენკომ განაცხადა.

ჯანდაცვის მინისტრის განმარტებით, ელექტრონული რეცეპტი არის ცენტრალიზებული სისტემა, რომელიც გამოყენებული იქნება ყველა ექიმის, პაციენტისა და სააფთიაქო დაწესებულების მიერ.

“სამედიცინო დოკუმენტაციის წარმოება გადავა მთლიანად ელექტრონულ ჯანდაცვაზე, მისი პირველი სასწრაფო ეტაპი ახლა დაიწყება, ეს არის ელექტრონული რეცეპტი. ტესტირება დავიწყეთ რამდენიმე დღის წინ, ტექნიკური ხარვეზები გამოსწორებულია და დღეიდან ის ამოქმედდება .მისი უპირატესობა, პირველ რიგში არის ის, რომ მოიხსნება ქაღალდის ტარების საჭიროება, რაც დიდი კომფორტია, რადგან პაციენტს ექიმთან ვიზიტისას შეეძლება მხოლოდ მისი სახელი- გვარით და პირადი ნომრით მისცეს საშუალება ექიმს, რომ გააქტიუროს მისი სრული დანიშნულება, ისტორია. რეცეპტი გამოიწერება ასევე ელექტრონულად და აფთიაქებს, რომლებიც ჩართულები იქნებიან ამ ქსელში, მაშინვე ექნებათ წვდომა, პაციენტი ეტყვის მის პირად ნომერს და აფთიაქი გასცემს დანიშნულების შესაბამისად მედიკამენტს”, – აღნიშნა სერგეენკომ.

მისი თქმით, რეცეპტის გაცემის მთლიანად ელექტრონულ ფორმატზე გადასვლა დროს მოითხოვს, ამიტომ პირველ ეტაპზე შენარჩუნდება გაცემის ძველი, აქამდე არსებული მეთოდიც. მისივე თქმით, პროგრამის ძირითადი სარგებელი რამდენიმეა, მათ შორის იზრდება პაციენტის უსაფრთხო მკურნალობის დონე, ვინაიდან განულდება ექიმის მიერ მედიკამენტის დასახელების არასწორად ჩაწერისა და გაურკვეველი ხელნაწერით გამოწვეული არასწორი მკურნალობის რისკი.

“ექიმს საშუალება ექნება, ასევე გადახედოს მედიკამენტოზური მკურნალობის ისტორიას, რაც შეამცირებს წინა მკურნალობასთან შეუსაბამო დანიშნულების გამოწერის რისკს”‘- აღნიშნა მინისტრმა.

ჯანდაცვის მინისტრის თქმით, ახალი ელექტრონული პროგრამა ასევე ხარისხის კონტროლის მძლავრი ინსტრუმენტი იქნება და გააკონტროლებს იმ ექიმებს, რომლებიც ხშირ შემთხვევაში ზომაზე მეტ მედიკამენტს უნიშნავენ პაციენტს.

სამინისტროს ინფორმაციით, პირველ ეტაპზე პროგრამაში გარკვეული სააფთიაქო ქსელები და ჯანმრთელობის ცენტრები ჩაერთვებია, დროთა განმავლობაში კი ელექტრონული რეცეპტის გაცემის პროექტი მთელს საქართველოს მოიცავს.

სხვა ამბები

სიჩუმეა და აღარავინ წუხდება, ვაი, ჩემო საქართველო – ბურჭულაძე

newsadmin

ნინო თოლორდავა იმედის ქრონიკის წამყვანი იქნება

newsadmin

“ფორსაჟი 9-ის” გადაღების გამო, რუსთაველის გამზირზე ავტოტრანსპორტის მოძრაობა შეიზღუდება

newsadmin

“დე ფაქტო მთავრობა აფხაზეთში დღეს ატარებს არალეგიტიმურ „საპრეზიდენტო არჩევნებს”

newsadmin

თქვენთან ერთად ღვინო ძმარია და პური საწამლავი – უგულავა ზურაბიშვილს

newsadmin

არქიმანდრიტი კირიონი – დავით გარეჯში აზერბაიჯანელებმა დენიც კი გაიყვანეს ბოძებით კარვებამდე, ეს სრული სიგიჟეა

newsadmin
იტვირთბა....