ბანგლადეში, კაფეზე მომხდარი თავდასხმის შედეგად 20 მძევალი დაიღუპა. ამის შესახებ ინფორმაციას BBC ავრცელებს.
გუშინ საღამოს ქალაქ დაკაში მდებარე ერთ-ერთ კაფეში შეიარაღებული პირები შეიჭრნენ და იქ მყოფებს ცეცხლი გაუხსნეს. თავდასხმაზე პასუხისმგებლობა დაჯგუფება „ისლამურმა სახელმწიფომ“ აიღო.
ადგილობრივი სამართალდამცავების ინფორმაციით, 6 თავდამსხმელი მოკლულია, ერთი კი დაკავებული.
დაღუპულთა შორის ყველა უცხოეთის მოქალაქეა. იტალიის პრემიერის მატეო რენზის განცხადებით, მოკლულთა შორის იტალიის მოქალაქეებიც არიან.