„მეტრონომი“პაატა ბურჭულაძის პარტიის პრეს-ცენტრს დაუკავშირდა
„პაატა ბურჭულაძე – სახელმწიფო ხალხისთვის მოძრაობის“ წევრი, ირაკლი გურჩიანი სოციალურ ქსელში პოსტს აქვეყნებს, სადაც აცხადებს რომ მოძრაობას ტოვებს:
„მინდა გაცნობოთ, რომ დღეს მე დავტოვე პაატა ბურჭულაძის მოძრაობა.გთხოვთ იქ ნუღარ განმიხილავთ!”- წერს ირაკლი გურჩიანი.
ირაკლი გურჩიანი “ტოიოტა ცენტრის თბილისის” დამფუძნებელია და როგორც ცნობილია მოძრაობის ერთ-ერთი მთავარი დამფინანსებელი იყო.
როგორც პაატა ბურჭულაძის პარტიის პრეს-ცენტრმა „მეტრონომს“ განუცხადა, ირაკლი გურჩიანი პარტიიდან ნამდვილად წავიდა:
– ჯერ ერთი, ინფორმაცია არასწორად გავრცელდა, რომ გურჩიანი პარტიის წევრი იყო. პარტია სრულყოფილად, ბოლომდე დასრულებული რეგისტრაციით არ არის. ამიტომ რეალურად ვერ დატოვებდა – ეს რაც ფორმალობას ეხება. პარტია კი არ დატოვა, სამომავლო პოლიტიკურ თანამშრომლობაზე უარი თქვა და ეს პოლიტიკური თანამშრომლობა არ შედგა.
– რატომ გადაწყვიტა გურჩიანმა თანამშრომლობაზე უარის თქმა?
– მიზეზს ნადვილად ვერ დაგისახელებთ, რადგან ეს მათი პირადი საუბარია.
– პაატა ბურჭულაძემ და ირაკლი გურჩიანმა ისაუბრეს პირადად?
– დიახ.
– პარტიის დამფინანსებლად ასოცირდებოდა – ასეთი სტატუსიც აქვს გურჩიანს…
– სამწუხაროდ ვერ გეტყვით…