თურქეთში ქალაქ ოსმანიასთან ახლოს არხში ავტობუსი გადავარდა, რომლითაც სკოლის მოსწავლეები ექსკურსიიდან ბრუნდებოდნენ. ამის შესახებ ადგილობრივი მედია იტყობინება.
გავრცელებული ინფორმაციით, მომხდარის შედეგად 14 ადამიანი დაიღუპა, მათ შორის 6 ბავშვია. 20 მოსწავლე კი დაშავებულია. შემთხვევის ადგილზე სამართალდამცველები მუშაობენ.
მომხდარის მიზეზი ჯერ-ჯერობით უცნობია. წინასწარი ინფორმაციით, ავტობუსის მძღოლს ჩაეძინა.