თურქეთის შეიარაღებულ ძალებს ახალი უპილოტო საბრძოლო საფრენი აპარატი, „ბაირაქტარ კიზილელმა“ დაემატა.
ახალი საფრენი აპარატის მიღებას ქვეყნის პრეზიდენტი რეჯეფ თაიფ ერდოღანი გამოეხმაურა.
„დღეს ისტორიული დღეა – დღე, როდესაც დიდი ოცნება რეალობად იქცა. მრავალწლიანი შრომისა და უდიდესი ძალისხმევის შედეგად, ჩვენი უპილოტო საბრძოლო საფრენი აპარატი „ბაირაქტარ კიზილელმა“ თურქეთის შეიარაღებული ძალების არსენალს შეუერთდა. მჯერა, ჩვენი დიდებული არმია „ბაირაქტარ კიზილელმასთან“ ერთად გამარჯვებიდან გამარჯვებამდე ივლის; მსურს, ეს საამაყო მიღწევა წარმატებული და სასიკეთო იყოს“, – აღნიშნა თურქეთის პრეზიდენტმა.

