აქტუალური თემა ახალი ამბები მთავარი მსოფლიო

ჩვენ სრული არეულობის სამყაროში ვართ და ვფიქრობ, რომ დღეს ცდუნებაა, გავხდეთ ჩინეთის ან აშშ-ის ვასალი – ემანუელ მაკრონი

ჩვენ სრული არეულობის სამყაროში ვართ და ვფიქრობ, რომ დღეს ცდუნებაა, გავხდეთ ჩინეთის ან აშშ-ის ვასალი, -ამის შესახებ საფრანგეთის პრეზიდენტმა ემანუელ მაკრონმა მალაიზიაში, კუალა-ლუმპურში გამართულ მაღალი დონის ეკონომიკურ ფორუმზე სიტყვით გამოსვლის დროს განაცხადა.

მისივე თქმით, საფრანგეთს არ სურს რომელიმე სახელმწიფოს ვასალი გახდეს და პარიზი მხარს მრავალმხრივი წესრიგის დაცვას უჭერს.

„ჩვენ სრული არეულობის სამყაროში ვართ და ვფიქრობ, რომ დღეს ცდუნებაა, გავხდეთ ჩინეთის, ან აშშ-ს ვასალი. ყოველ შემთხვევაში, ვვარაუდობ, რომ ეს ამ ორი დიდი ძალის პროექტია. ჩვენი მიზანი არ არის ვასალი გავხდეთ, არამედ ჩვენი მიზანია მრავალმხრივი წესრიგის დაცვა, ჩვენი სტრატეგიული ავტონომიის შენარჩუნება და გაძლიერება და გვინდა უფრო დამოუკიდებლები გავხდეთ“, – განაცხადა მაკრონმა.

ამასთან, მისივე თქმით, საფრანგეთი თავდაცვის სფეროში აშშ-ზე დამოკიდებული არ არის.

„ვფიქრობ, არ უნდა უგულებელვყოთ ის ფაქტი, რომ საფრანგეთს თავდაცვაზე ძალიან სპეციფიკური მოდელი აქვს. ჩვენ არ ვართ დამოკიდებულნი აშშ-ზე. ჩვენ გვაქვს საკუთარი შესაძლებლობები. ჩვენ თვითონ ვქმნით კრიტიკულ შესაძლებლობებს“, – განაცხადა მაკრონმა.

იტვირთბა....