ვლადიმერ პუტინი აშშ-ის პრეზიდენტის წარმომადგენლებთან უკრაინის კრიზისის მოგვარების საკითხებს განიხილავს, – ამის შესახებ რუსეთის პრეზიდენტის თანაშემწემ, იური უშაკოვმა განაცხადა.
„დღეს სხვადასხვა საკითხებს განვიხილავთ, რომლებიც უკრაინის გარშემო არსებული კრიზისის მოგვარებას ითვალისწინებს. ყველა საკითხს განვიხილავთ, რომელიც მშვიდობიანი მოგვარების მიღწევას უკავშირდება“, – განაცხადა უშაკოვმა.
ცნობისთვის, აშშ-ის პრეზიდენტის წარმომადგენლები, ჯარედ კუშნერი და სტივ უიტკოფი დღეს დილით მოსკოვში ჩავიდნენ. კუშნერი და უიტკოფი კრემლში, რუსეთის პრეზიდენტ ვლადიმერ პუტინს შეხვდებიან.