იტალიაში ანტისამთავრობო საპროტესტო აქციები გრძელდება.
როგორც ადგილობრივი მედია წერს, ყველაზე მასშტაბური არეულობა მილანშია მოსალოდნელი. მილანში დაგეგმილ საყოველთაო გაფიცვასთან დაკავშირებით გაძლიერებულია უსაფრთხოების ზომებიც. ქალაქში საზოგადოებრივი წესრიგის თვალსაზრისით წითელი დონის საფრთხე გამოცხადდა.
მოსალოდნელია, რომ ქუჩაში დაახლოებით 10 ათასი ადამიანი გამოვა. პროფკავშირის მიერ ორგანიზებულ დემონსტრაციაში მონაწილეობენ სტუდენტები და სოციალური ცენტრების აქტივისტები.
მთავრობის წინააღმდეგ აქციები მილანის გარდა, დაგეგმილია რომში, ბოლონიაში, ტურინსა და ქვეყნის სხვა ქალაქებშიც.