საინფორმაციო სააგენტო ANSA-ს ცნობით, 29 ოქტომბერს ბოსნია და ჰერცეგოვინაში ევროკავშირის სამშვიდობო მისიის იტალიური სამხედრო ვერტმფრენის ჩამოვარდნის გამო, სულ მცირე, ოთხი ადამიანი დაიღუპა.
სააგენტოს ცნობით, ბრჩკოს ოლქის მერმა განაცხადა, რომ სოფელ გორიცეში ვერტმფრენის ჩამოვარდნისას 12 ადამიანი დაშავდა.
იტალიის პრემიერმინისტრმა ჯორჯია მელონიმ დაღუპულთა ოჯახებს მიუსამძიმრა.
EUFOR-ის მისიის ოფიციალურმა წარმომადგენელმა ავიაკატასტროფა დაადასტურა, თუმცა დაღუპულთა და დაშავებულთა რაოდენობის შესახებ დეტალები არ გაუმჟღავნებია.
საჰაერო ხომალდი ჩართული იყო EUFOR-ის მიერ მართულ ოპერაცია Althea-ში, რომელიც დეიტონის სამშვიდობო შეთანხმების შესრულებას უწევს ზედამხედველობას.