23 ოქტომბრის ღამეს, დრონებმა რუსეთზე მასშტაბური თავდასხმა განახორციელეს.
დრონები თავს დაესხნენ ნიჟნი ნოვგოროდის ოლქში, ქალაქ გოროდეცში, ფედერალური საგადასახადო სამსახურის ერთ-ერთ მთავარ მონაცემთა ცენტრს.
გოროდეცის მონაცემთა ცენტრი რუსეთის ფედერალური საგადასახადო სამსახურის ორი ძირითადი მონაცემთა დამუშავების ცენტრიდან ერთ-ერთია, რომელიც გეოგრაფიულად განაწილებულ რეჟიმში მუშაობს.
მონაცემთა ცენტრი ინახავს და ამუშავებს ინფორმაციას სახელმწიფო რეესტრებიდან, კერძოდ, საგადასახადო მონაცემთა ბაზებიდან.
პარალელურად, რუსეთის თავდაცვის სამინისტროს ცნობით, რუსეთის საჰაერო თავდაცვის ძალებმა ღამით 443 უკრაინული დრონი გაანადგურეს.