დონალდ ტრამპისა და ვლადიმერ პუტინის „დიზელის გარიგებამ“ სამშვიდობო პროცესში წინსვლა შეაფერხა, – ამის შესახებ ჩეხეთის პრეზიდენტმა, პეტრ პაველმა განაცხადა.
პეტრ პაველის განცხადებით, რუსეთსა და უკრაინას შორის ცეცხლის შეწყვეტის შეთანხმება „ძალიან ახლოს“ იყო, თუმცა აშშ-ის პრეზიდენტის დონალდ ტრამპის მიერ რუსულ დიზელის საწვავზე დაწესებული სანქციების გაუქმებით იგი ჩაიშალა.
მისი თქმით, ტრამპის გადაწყვეტილებამ, რომლის თანახმადაც, რუსეთმა აშშ-ს ასობით ათასი ტონა დიზელის საწვავი უნდა მიაწოდოს, მოსკოვს „ამოსუნთქვის საშუალება“ მისცა.
„ახლა გაცილებით რთული იქნება. რუსეთი ამ იმპულსს ზეწოლიდან თავის დასაღწევად იყენებს და ეს მისთვის ერთგვარი მორალური წამახალისებელი ბიძგია“, – აღნიშნა ჩეხეთის პრეზიდენტმა.