უკრაინის მესამე საარმიო კორპუსის მეთაურის, ანდრიი ბილეცკის განმარტებით, უარი თქვა სახმელეთო ჯარების მეთაურის თანამდებობაზე, რადგან მიიჩნევს, რომ ამ პოსტზე მობილიზაციის პრობლემების მოგვარება ერთ-ერთი მთავარი ამოცანაა, თუმცა ამ მიმართულებით არსებული სირთულეების სრულად აღმოფხვრის შესაძლებლობას ვერ ხედავს.
ბილეცკის თქმით, მას სახმელეთო ჯარების მეთაურობა რეფორმების გასატარებლად შესთავაზეს. ამ თანამდებობის ორი ძირითადი ამოცანა საბრძოლო მომზადება და მობილიზაციაა.
“მჯერა, რომ საბრძოლო მომზადების რეფორმირება შესაძლებელია. ომის მეხუთე წელსაც შესაძლებელია მობილიზაციის გაუმჯობესება და პრობლემური შემთხვევების აღმოფხვრა, თუმცა მისი ჩანაცვლება შეუძლებელია. ეს კი სახმელეთო ჯარების მთავარი ამოცანაა. აზრი არ აქვს იმ საქმის აღებას, რომლის გაუმჯობესებისაც რეალურად არ გჯერა.” – თქვა ბილეცკიმ ჟურნალისტებთან შეხვედრაზე.
მისი თქმით, უშუალოდ სამხედრო ნაწილების მართვისას უფრო ეფექტიანი იქნება.
ბილეცკიმ სახმელეთო ჯარების მეთაურის თანამდებობას უკრაინის შეიარაღებულ ძალებში ერთ-ერთი ყველაზე რთული პოსტი უწოდა და განაცხადა, რომ არც მოქმედი და არც ყოფილი მეთაურის ადგილზე ყოფნა არ შეშურდებოდა.