ირანში 38 წლის მთამსვლელი სიკვდილით დასაჯეს – ინფორმაციას Iran International ავრცელებს და წერს, რომ სასამართლო ალი-სინა მოსთაფავის ბრალად დებდა ქერმანში შეიარაღებული თავდასხმების განხორციელებას, მათ შორის სროლებს, რომელთა შედეგადაც, მშვიდობიანი მოქალაქეები დაიჭრნენ.
არსებული ინფორმაციით, მან ეს თავდასხმა ირანის უფლისწულ რეზა ფეჰლევისა და ისრაელის მხარდასაჭერად განახორციელა
. მათივე ცნობით, უფლებადამცველმა ორგანიზაცია Dadban-მა ერთი დღით ადრე გააფრთხილა საზოგადოება, რომ მოსთაფავის სიკვდილით დასჯა შესაძლოა უახლოეს ხანში მომხდარიყო, მას შემდეგ, რაც იგი სამარტოო საკანში გადაიყვანეს. გამოცემა წერს, რომ ციხის ადმინისტრაციამ საბოლოო შეხვედრისთვის ოჯახის წევრებს დაურეკა.