ესპანეთში ბარის ჩამონგრევის შედეგად 12 ადამიანი დაშავდა, – ინფორმაციას ადგილობრივი მედია ავრცელებს.
დილით, ესპანეთის ლა-რიოხას პროვინციაში ბარი Tempranillo-ს შენობა ჩამოინგრა.
მედიის ცნობით, ჯერ შენობის იატაკი, ხოლო შემდეგ ჭერი ჩაინგრა.
შემთხვევის მომენტში შენობაში 50-მდე ადამიანი იმყოფებოდა. მაშველებმა ადამიანები ნანგრევებიდან გამოიყვანეს.
დაშავებულთაგან ერთს მოტეხილობა, ხოლო დანარჩენებს მსუბუქი დაზიანებები აღენიშნებათ.
პოლიციამ ბარის ჩამონგრევის მიზეზის დასადგენად გამოძიება დაიწყო.