რუსეთის ვორონეჟის ოლქში სამხედრო ვერტმფრენი “Mi-8” ჩამოვარდა.
ტელეგრამის არხ “112”-ის ცნობით, ავიაკატასტროფა ვორონეჟის ოლქის ანინის რაიონში მოხდა.
გავრცელებული ინფორმაციით, ეკიპაჟის სამივე წევრი დაიღუპა: მეთაური, შტურმანი და ბორტინჟინერი.
ვერტმფრენის ჩამოვარდნისა და ეკიპაჟის დაღუპვის შესახებ ინფორმაცია რუსულ ტელეგრამ არხებზეც დაადასტურეს.
ცნობისთვის, რუსულმა “Mi-8” ტიპის ვერტმფრენმა ავიაკატასტროფა გასული თვის დასაწყისშიც განიცადა, როცა ვერტმფრენი სახალინში, საავტომობილო გზატკეცილზე, ავარიულად დაჯდა და თხრილში გადავარდა.
ინციდენტის მიზეზი აეროდრომიდან ხუთი კილომეტრის დაშორებით საწვავის ამოწურვის გამო ორივე ძრავის გამორთვა გახდა.