კრამატორსკზე რუსული იერიშის შედეგად წმინდა იოანე ნათლისმცემლის ეკლესია და ათობით სამოქალაქო ობიექტი დაზიანდა .
დონეცკის ოლქის პოლიციის ცნობით, 22 სექტემბერს უკრაინის დონეცკის ოლქის ქალაქ კრამატორსკზე რუსულმა თავდასხმამ წმინდა იოანე ნათლისმცემლის ეკლესია და ათობით სხვა სამოქალაქო ობიექტი დააზიანა. იერიშის შედეგად 1 ადამიანი დაიღუპა, 5 კი დაშავდა. სამართალდამცავების ცნობით, რუსულმა ძალებმა ქალაქზე ხუთი საავიაციო ბომბი ჩამოაგდეს, მათ შორის KAB-500 და KAB-250 ტიპის მართვადი ბომბები, ასევე განახორციელეს თავდასხმა დრონებით.
საჰაერო დარტყმების შედეგად კრამატორსკში სულ 70-მდე სამოქალაქო ობიექტი დაზიანდა. უკრაინის მართლმადიდებლური ეკლესიის ცნობით, იერიშმა ტაძარს სერიოზული ზიანი მიაყენა – ჩამოინგრა და დაზიანდა კედლები, სახურავი და გუმბათი.
ეს თავდასხმა რუსეთის სრულმასშტაბიანი შეჭრის ფონზე უკრაინის რელიგიური და კულტურული მემკვიდრეობის განადგურების მორიგი შემთხვევაა. 2 აგვისტოს, ხერსონის ოლქის ქალაქ ბერისლავში, რუსულმა დრონმა გაანადგურა წმინდა ოვედენის ხის ეკლესია – 300 წელზე მეტი ხნის ეროვნული მნიშვნელობის არქიტექტურული ძეგლი სრულიად ნანგრევებად იქცა. 1726 წელს აშენებული ეს ეკლესია ხერსონის ოლქის გათავისუფლებულ ტერიტორიაზე შემორჩენილ იმ მცირერიცხოვან რელიგიურ ძეგლებს შორის იყო, რომლებიც დღემდე გადარჩა.