ევგენი ხმარასა და შეიარაღებული ძალების მთავარსარდალთან ერთად განვსაზღვრეთ შემდეგი პრიორიტეტული მიზნები, ამისთვის საჭირო საშუალებების მოცულობა და მოსამზადებელი ღონისძიებები – ამის შესახებ ვოლოდიმირ ზელენსკიმ განაცხადა.
“დღეს შედგა უკრაინის შეიარაღებული ძალების მთავარსარდლის, მიხაილო დრაპატის მოხსენება ჩვენი მწარმოებლების ახალი ნაბიჯის შესახებ: რუსული რეაქტიული დრონების წინააღმდეგ წარმატებით გამოიცადა კიდევ ერთი გზაგადამჭრელი. „შაჰიდი“ წარმატებით იქნა განადგურებული, თუმცა გზაგადამჭრელის მართვის ზოგიერთი ასპექტი ჯერ კიდევ დასახვეწია. მუშაობას ვაგრძელებთ – კიდევ დრო გვჭირდება. მადლობა დეველოპერებს აქტიურობისთვის!
ასევე ვისაუბრეთ ჩვენს შემდგომ სამხედრო ოპერაციებსა და შორ მანძილზე მოქმედების შესაძლებლობებზე. მადლობელი ვარ უკრაინის თავდაცვის სამინისტროსი ოპერაციების უზრუნველყოფისადმი საფუძვლიანი მიდგომისთვის.
ევგენი ხმარასა და შეიარაღებული ძალების მთავარსარდალთან ერთად განვსაზღვრეთ შემდეგი პრიორიტეტული მიზნები, ამისთვის საჭირო საშუალებების მოცულობა და მოსამზადებელი ღონისძიებები. რუსეთის ნავთობის ინფრასტრუქტურაზე – ომის ამ მთავარ საყრდენზე – შორ მანძილზე განხორციელებული დარტყმების შედეგები საკმაოდ შთამბეჭდავია და სწორედ ეს სძენს დიპლომატიას საჭირო პოტენციალს.
უკრაინა მზად არის გადადგას საკუთარი ნაბიჯები დეესკალაციისკენ, თუმცა პარტნიორებმა უნდა უზრუნველყონ რუსეთის კეთილსინდისიერება ჩვენს კრიტიკულ ინფრასტრუქტურასთან დაკავშირებით მისივე დეესკალაციის ნაბიჯების შესრულებაში – გრძელვადიანად და საიმედოდ. მადლობა ყველას, ვინც გვეხმარება! მადლობა თითოეულ ჩვენს ქვედანაყოფს სიზუსტისთვის!” – ნათქვამია უკრაინის პრეზიდენტ ზელენსკის განცხადებაში.