პოლონეთის სანაპიროსთან რუსული დრონი იპოვეს, – ინფორმაციას პოლონეთის თავდაცვის მინისტრი, ვლადისლავ კოსინიაკ-კამიში სოციალურ ქსელში ავრცელებს.
ვლადისლავ კოსინიაკ-კამიშის ცნობით, პოლონელმა სამხედროებმა დრონი პომერანიის სავოევოდოს სანაპიროსთან ახლოს წყლიდან ამოიღეს.
„იაროსლავეცის მახლობლად, სოფელ რუსინოვოს სანაპიროსთან ახლოს, სამხედროებმა ბალტიის ზღვის წყლიდან დრონი ამოიღეს. პირველადი შემოწმებით, ეს რუსული წარმოშობის სამხედრო დრონია”, – განაცხადა კოსინიაკ-კამიშმა.
პოლონეთის თავდაცვის მინისტრის განცხადებით, ადგილზე უსაფრთხოების ზომებია მიღებული და შესაბამისი სამსახურები მუშაობენ.