როგორც „მეტრონომს“ ქირურგიის ეროვნულ ცენტრში განუცხადეს, „კომედი შოუს“ მსახიობი, გიორგი გოცირიძე კვლავ სუნთქვით აპარატზეა შეერთებული და მისი მდგომარეობა სტაბილურად მძიმეა.
„მისი მდგომარეობისთვის მართვით სუნთქვაზე ყოფნა ამ ეტაპზე საჭიროა“ – უთხრეს „მეტრონომს“ კლინიკაში.
შეგახსენებთ, რომ მსახიობს ოთხი ქირურგიული ოპერაცია დასჭირდა. ის მკურნალობას „კრიტიკული მედიცინის დეპარტამენტის“ რეანიმაციაში აგრძელებს.
გიორგი გოცირიძეს 27 აპრილს მანქანა დაეჯახა. მსახიობი აბულაშვილის ქუჩაზე ფეხით მოძრაობდა.