გარდაცვლილი სენატორის, ლინდსი გრემის კანონპროექტმა რუსეთის წინააღმდეგ „ჯოჯოხეთური სანქციების“ შესახებ აშშ-ის სენატში საჭირო მხარდაჭერა მოიპოვა – ინფორმაციას Axios ავრცელებს და წერს, რომ დოკუმენტს უკვე 61 თანაავტორი ჰყავს, რაც სრულიად საკმარისია მისი შემდგომი წინ წაწევისთვის.
თუ სენატი დოკუმენტს დაამტკიცებს, ის წარმომადგენელთა პალატამაც უნდა მიიღოს, საბოლოოდ კი მას ხელი აშშ-ის პრეზიდენტმა უნდა მოაწეროს.
დოკუმენტი ითვალისწინებს 100%-იანი მეორადი ტარიფების დაწესებას იმ ქვეყნების წინააღმდეგ, რომლებიც აგრძელებენ რუსული ნავთობისა და გაზის შესყიდვას, ასევე მკაცრ ზომებს რუსეთის ჩრდილოვანი ფლოტის წინააღმდეგ.
Axios-ის ცნობით, ამჟამად კანონპროექტის მთავარი გამოწვევა არა ხმების ნაკლებობა, არამედ მისი განხილვის ვადებია. ჯერჯერობით უცნობია, როდის გაიტანენ დოკუმენტს სენატში კენჭისყრაზე.