უკრაინის შეიარაღებული ძალების უპილოტო სისტემების ძალების სპეციალურმა ქვედანაყოფებმა ანექსირებულ ყირიმსა და აზოვის ზღვის აკვატორიაში წარმატებული სამხედრო ოპერაციები განახორციელეს. რობერტ მადიარ ბროვდის ინფორმაციით, ბოლო 8 დღის განმავლობაში უკრაინულმა დრონებმა რუსეთის ფედერაციის ჩრდილოვანი ფლოტის 105 გემზე მიიტანეს იერიში. მისივე ცნობით, მხოლოდ 13 ივლისის ღამეს, სპეცოპერაცია „მოლოჩკას“ ფარგლებში, დააზიანეს რუსების 15 მცურავი საშუალება, მათ შორის – 7 ტანკერი, 5 მშრალი ტვირთმზიდი, 1 ბორანი და 2 ბუქსირი. დარტყმების შედეგად, ქერჩის სრუტეში გემების მოძრაობა პარალიზებულია, ხოლო ნახევარკუნძულზე ტვირთების გადაზიდვა მინიმუმამდეა შემცირებული.
“15 გემი 1 ღამეში ღამეში. 105 გემზე იმუშავეს უპილოტო სისტემების ძალების „ფრინველებმა“ [დრონებმა] 8 დღეში.
ოპერაცია „მოლოჩკა“ გაგრძელდება მანამ, სანამ რუსეთის ფედერაციის ჩრდილოვანი ფლოტი აზოვის ზღვის წითელ წიგნში არ შევა. ამ დროისთვის – 105 ყვითელი და წითელი ბარათია, მეოთხედფინალები ჩატარებულია…
13 ივლისის ღამეს, თავისუფლებისმოყვარე უკრაინულმა „ფრინველმა“ რუსეთის ფედერაციის ჩრდილოვანი ფლოტის 15 გემზე ინადირა: 7 ტანკერი, 5 მშრალი ტვირთმზიდი, 1 ბორანი და 2 ბუქსირი. საერთო ჯამში, 6-13 ივლისის პერიოდში შედეგიანი დარტყმები განხორციელდა 105 მცურავ საშუალებაზე.
ნახევარკუნძულის გადამზიდი ინფრასტრუქტურა ყოველღამე იღებს დარტყმებს, სრუტეში მოძრაობა შეწყვეტილია, გადმოტვირთვა მინიმუმამდეა შეზღუდული.
ოპერაცია „ყირიმის ამომრთველი off“ ფარგლებში, 12-13 ივლისის ღამეს: ყირიმსა და დანარჩენ ოკუპირებულ ტერიტორიებზე დარტყმა მიაყენეს სხვადასხვა სიმძლავრის 9 ენერგოკვანძს-ქვესადგურს და რუსეთის ფედერაციიდან კუბან-ყირიმის ენერგოხიდის ელექტროენერგიის გადაცემის სტრატეგიულ პუნქტს „ყირიმი“, მეორედ 48 საათში.
განადგურებულია საჰაერო თავდაცვის 4 ელემენტი. განადგურდა С-400 „ტრიუმფის“ გამშვები დანადგარი, საზენიტო-სარაკეტო კომპლექსი „ტორი“ და რადიოლოკაციური სადგურის 2 კომპლექსი.
გასული დღე-ღამის განმავლობაში, „ფრინველებმა“ მთელი ფრონტის ტაქტიკურ სიღრმეში 1725 სამიზნეზე იმუშავეს, მათ შორის 418 ოკუპანტზე
ვიმუშაოთ, ჯენტლმენებო!
ჩვენ გავძლებთ!
მოსკოვი დაეცემა, “მოლოჩკა” მოქმედებაშია.
ყირიმს დავიბრუნებთ და აღვადგენთ.” – წერს უკრაინის უპილოტო სისტემების ძალების ქვედანაყოფის “მადიარის ჩიტების” მეთაური, რობერტ მადიარ ბროვდი.