“აშშ-ს ჯერ კიდევ არ ესმის, რომ დაშინება და დანაპირების უგულებელყოფა უსასყიდლოდ აღარ ჩაივლის, ჰორმუზის სრუტე გაიხსნება მხოლოდ ირანის წესებით და არა ამერიკული მუქარით” – მოჰამედ ბაღერ ღალიბაფი

ირანის პარლამენტის სპიკერმა, მოჰამედ ბაღერ ღალიბაფმა შეერთებული შტატები საპასუხო დარტყმების შესახებ გააფრთხილა.

ღალიბაფის განცხადებით, აშშ-ს ჯერ კიდევ არ ესმის, რომ დაშინება და დანაპირების უგულებელყოფა უსასყიდლოდ აღარ ჩაივლის.

„ჰორმუზის სრუტე გაიხსნება მხოლოდ ირანის მიერ დადგენილი წესებით და არა ამერიკული მუქარით“, – წერს ღალიბაფი.

ცნობისთვის, აშშ-მა ირანზე მორიგი საჰაერო იერიშები მიიტანა. აშშ-ის ცენტრალურ სარდლობაში აცხადებენ, რომ დაახლოებით 90 სამხედრო ობიექტი გაანადგურეს.