რუსულმა ძალებმა წუხელ უკრაინის დნეპროპეტროვსკის ოლქში ხუთ ბენზინგასამართ სადგურს დაარტყეს, რის შედეგადაც ერთი ადამიანი დაიღუპა და სამი დაშავდა, – ინფორმაციას უკრაინული მედია დნეპროპეტროვსკის საოლქო-სახელმწიფო ადმინისტრაციის ხელმძღვანელზე ალექსანდრ განჟაზე დაყრდნობით ავრცელებს.
„ერთი ქალი დაიღუპა და სამი დაშავდა. ღამის განმავლობაში მტერმა ოლქში ხუთ ბენზინგასამართ სადგურს დაარტყა“, – აღნიშნა განჟამ.
მისი ინფორმაციით, დარტყმების შემდეგ ხანძარი გაჩნდა და ყველა ბენზინგასამართ სადგურზე ტექნიკა დაზიანდა.