აშშ-ის წარმომადგენელთა პალატამ რეზოლუცია მიიღო, რომელიც ირანში ომთან დაკავშირებით დონალდ ტრამპის უფლებამოსილებების შეზღუდვას ითვალისწინებს, – ინფორმაციას The Guardian-ი ავრცელებს.
წარმომადგენელთა პალატამ რეზოლუციას მხარი 215 ხმით 208-ის წინააღმდეგ დაუჭირა, მათ შორის, „დემოკრატებთან“ ერთად რეზოლუციას ხმა ოთხმა „რესპუბლიკელმა“ მისცა.
რეზოლუციის თანახმად, აშშ-ის პრეზიდენტმა ირანის წინააღმდეგ სამხედრო მოქმედებების განახლებისთვის თანხმობის მისაღებად კონგრესს უნდა მიმართოს ან ახლო აღმოსავლეთიდან აშშ-ის ძალები გაიყვანოს.
აშშ-ის წარმომადგენელთა პალატაში მხარდაჭერის შემდეგ რეზოლუცია დასამტკიცებლად სენატს გადაეგზავნა.