სამხრეთ და აღმოსავლეთ ლიბანში, ისრაელის ინტენსიური დარტყმების შედეგად, ათობით ადამიანი დაიღუპა – ამის შესახებ ინფორმაციას BBC-ი ლიბანის ჯანდაცვის სამინისტროზე დაყრდნობით ავრცელებს.
ეს მას შემდეგ მოხდა, რაც ისრაელის პრემიერ-მინისტრმა ბენიამინ ნეთანიაჰუმ „ჰეზბოლას“ წინააღმდეგ სამხედრო მოქმედებების გაძლიერების პირობა დადო.
თავდასხმების ბოლო ტალღის დროს სულ მცირე 31 ადამიანი დაიღუპა, მათ შორის რამდენიმე ბავშვი. ისრაელის თავდაცვის ძალების განცხადებით, „ჰეზბოლას“ 100-ზე მეტ ინფრასტრუქტურულ ობიექტსა და მებრძოლს დაარტყეს.
გუშინ, უსაფრთხოების კაბინეტის სხდომაზე გამოსვლისას ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ისრაელი აღრმავებს თავის ოპერაციას ლიბანში.