აშშ-ის პრეზიდენტი დონალდ ტრამპი აცხადებს, რომ აშშ-სა და ირანს შორის საერთო ენის პოვნის შემთხვევაში ის თეირანის მიერ ბირთვული პროგრამის 20-წლიან შეჩერებას დათანხმდებოდა.
„ოცი წელი საკმარისია, მაგრამ მათგან გარანტიის დონე, სხვა სიტყვებით რომ ვთქვათ, ნამდვილი 20 წელი უნდა იყოს“, – განაცხადა ტრამპმა.
ამავდროულად, ტრამპის თქმით, ირანის მიმართ მისი მოთმინება იწურება, რადგან ამ ეტაპზე მოლაპარაკებებში გარღვევის ნიშნები არ ჩანს.