პეტერ მადიარმა უნგრეთის პრემიერ-მინისტრის თანამდებობა ოფიციალურად დაიკავა.
დღეს უნგრეთის პარლამენტში გამართული კენჭისყრის შედეგად პარტია „ტისას“ ლიდერს პრემიერ-მინისტრის თანამდებობაზე მხარი 140-მა დეპუტატმა დაუჭირა, ხოლო 54-მა წინააღმდეგ მისცა ხმა.
„უნგრელმა ხალხმა ჩვენ მოგვცა მანდატი, რომ დავასრულოთ ათწლეულების უკუსვლა. მათ მოგვცეს მანდატი, რომ უნგრეთის ისტორიაში ახალი თავი დავწეროთ, არა მხოლოდ მთავრობის, არამედ სისტემის შესაცვლელადაც. თავიდან დავიწყოთ“, – განაცხადა მადიარმა პარლამენტში სიტყვით გამოსვლისას მას შემდეგ, რაც ის ოფიციალურად დაამტკიცეს პრემიერ-მინისტრის თანამდებობაზე.
სხდომას არ ესწრებოდა ქვეყნის ყოფილი პრემიერ-მინისტრი ვიქტორ ორბანი.