რუსულმა ძალებმა უკრაინის ხერსონის ოლქის დნეპროვსკის რაიონში სამოქალაქო ტრანსპორტს დაარტყეს, რის შედეგადაც 60 წლის მამაკაცი დაიღუპა, – ინფორმაციას უკრაინული მედია ავრცელებს.
მათივე ინფორმაციით, თავდასხმის შედეგად ოთხი ადამიანი დაშავდა.
ამასთან, რუსებმა მეორე თავდასხმაც განახორციელეს, რის შედეგადაც სასწრაფო დახმარების მანქანა დაზიანდა. მედიკოსები არ დაშავებულან.
უკრაინის საჰაერო ძალების ცნობით, 3 მაისის ღამეს რუსებმა უკრაინას 268 უპილოტო საფრენი აპარატით და „ისკანდერ-M“ ტიპის ბალისტიკური რაკეტით შეუტიეს. უკრაინელებმა 249 დრონი ჩამოაგდეს.