აშშ-ის სახელმწიფო დეპარტამენტის განცხადებით, 10 მილიონ დოლარამდე ჯილდოს აწესებს ირანთან დაკავშირებული დაჯგუფება ქათაიბ საიდ ალ-შუჰადა [KSS] ლიდერზე – ჰაშიმ ფინიან რაჰიმ ალ-სარაჯზე, ინფორმაციის მიწოდებისთვის.
პროგრამის „ჯილდო მართლმსაჯულებისთვის“ ფარგლებში გამოქვეყნებულ შეტყობინებაში ნათქვამია, რომ ალ-სარაჯი, რომელიც ასევე ცნობილია როგორც აბუ ალა ალ-ვალაი, ხელმძღვანელობს ჯგუფს, რომელსაც ბრალად ედება თავდასხმები აშშ-ის პერსონალზე და ობიექტებზე ერაყსა და სირიაში, ასევე ძალადობა ერაყელი სამოქალაქო პირების წინააღმდეგ.
განცხადებაში აღნიშნულია, რომ პირები, რომლებიც საჭირო ინფორმაციას მიაწვდიან უწყებას, შესაძლოა გახდნენ საცხოვრებლის შეცვლისა და ფინანსური კომპენსაციის მიღების კანდიდატები.