ევროპის საბჭოს ადამიანის უფლებათა კომისარი მაიკლ ო’ფლაერტი საქართველოში იმყოფება და შეხვედრებს მართავს.
ამ წუთებში ის სამოქალაქო სექტორის წარმომადგენლებს ხვდება. ასევე დაგეგმილია შეხვედრა სახალხო დამცველთან და ხელისუფლების წარმომადგენლებთან.
„საქართველოში მივემგზავრები, რათა მთავრობასთან, ხელისუფლებასთან და სამოქალაქო საზოგადოებასთან ადამიანის უფლებებთან დაკავშირებული მთელი რიგი მნიშვნელოვანი საკითხები განვიხილო“, – დაწერა მაიკლ ო’ფლაერტმა X-ზე, თბილისში გამომგზავრების წინ.