აშშ-ის პრეზიდენტმა, დონალდ ტრამპმა განაცხადა, რომ მისი აზრით, ჩინეთმა აიძულა ირანი, მოლაპარაკებებს დათანხმებოდა. ინფორმაციას ამის შესახებ საერთაშორისო მედიასაშუალებები „ფრანს პრესზე“ დაყრდნობით ავრცელებენ.
სააგენტოსთან სატელეფონო საუბარში ტრამპმა განაცხადა, რომ მისი აზრით, პეკინმა ირანი დაარწმუნა მოლაპარაკებებზე და აღნიშნა, რომ თეირანის გამდიდრებულ ურანზე „იდეალურად იზრუნებენ“.
„სრული და სრული გამარჯვება, 100 პროცენტით, ამაში ეჭვი არ მეპარება“, – განუცხადა ტრამპმა „ფრანს პრესს“ მოკლე სატელეფონო საუბრისას, როდესაც ჰკითხეს, მიიჩნევდა თუ არა საკუთარ თავს გამარჯვებულად ცეცხლის შეწყვეტის შემდეგ.
„ჩვენ გვაქვს 15-პუნქტიანი შეთანხმება, რომლის უმეტესობაზეც შეთანხმება მოხდა. ვნახოთ, რა მოხდება. ვნახოთ, მიაღწევს თუ არა ეს შეთანხმება წარმატებას“, – აღნიშნა ტრამპმა.
ამასთან, შეკითხვას, მოლაპარაკებების ჩაშლის შემთხვევაში, განიხილავდა თუ არა ირანის სამოქალაქო ელექტროსადგურებისა და ხიდებს განადგურებას, ტრამპმა პირადპირი პასუხი არ გასცა.
„თქვენ მას ნახავთ“- განუცხადა ტრამპმა „ფრანს პრესს“.