ჩინეთში ჰორმუზის სრუტის დახურვას აშშ-სა და ისრაელს აბრალებენ, – ამის შესახებ ჩინეთის საგარეო საქმეთა სამინისტროს პრესსპიკერმა განაცხადა.
მაო ნინგს პრესკონფერენციაზე ჟურნალისტმა ჰკითხა დონალდ ტრამპის მიერ გაკეთებულ განცხადებაზე, რომელმაც სატელევიზიო მიმართვისას აღნიშნა, რომ ქვეყნებმა, რომლებიც ჰორმუზის სრუტის გავლით იღებენ ნავთობს, თავად უნდა იზრუნონ სრუტის გახსნაზე.
„ჰორმუზის სრუტეში ნაოსნობის შეფერხების ძირითადი მიზეზი შეერთებული შტატებისა და ისრაელის მიერ ირანის წინააღმდეგ განხორციელებული უკანონო სამხედრო ოპერაციებია“, – აღნიშნა პრესსპიკერმა.