რუსეთის ქალაქ უფაში, ბაშკორტოსტანის დედაქალაქში, 2 აპრილის ღამით დრონებით ნავთობგადამამუშავებელ ქარხანაზე შეტევა განხორციელდა.
მონიტორინგის არხების ინფორმაციით, ქარხნის მიმდებარე ტერიტორიაზე ძლიერი აფეთქებები დაფიქსირდა, რის შემდეგაც ობიექტზე ხანძარი გაჩნდა.
წინასწარი ინფორმაციით, დარტყმა შესაძლოა ქარხნის ერთ-ერთ საკვანძო დანადგარს შეეხო, რომელიც ნავთობის პირველადი გადამუშავებისთვის არის პასუხისმგებელი.
ბაშკორტოსტანის ხელმძღვანელის, რადიი ხაბიროვის განცხადებით, რამდენიმე უპილოტო საფრენი აპარატი ქარხნებთან მიახლოებისას ჩამოაგდეს. მისი თქმით, ერთ-ერთი დრონის ნამსხვრევები საწარმოო ზონაში ჩამოვარდა, თუმცა დაშავებულები არ არიან და ადგილზე ხანძრის ჩაქრობა მიმდინარეობს.
ხაბიროვის ინფორმაციით, კიდევ ერთი დრონი, სავარაუდოდ, საცხოვრებელ სახლსაც დაეცა, თუმცა შემთხვევა მსხვერპლის გარეშე დასრულდა.