უნგრეთის მთავრობამ გადაწყვიტა უკრაინას გაზის მიწოდება შეუწყვიტოს, სანამ არ განახლდება მილსადენ „დრუჟბით“ უკრაინის გავლით უნგრეთისთვის რუსული ნავთობის მიწოდება.
აღნიშნული გადაწყვეტილება 25 მარტს გამოაცხადა უნგრეთის პრემიერ-მინისტრმა ვიქტორ ორბანმა. ფეისბუკის ოფიციალურ გვერდზე გამოქვეყნებულ ვიდეომიმართვაში ორბანი ამბობს, რომ უკრაინისთვის ბუნებრივი გაზის მიწოდებას თანდათან შეწყვეტენ და გაზის ამ მოცულობას თავად უნგრეთის საცავებში შეინახავენ.
EXPRO-ს თანახმად, უნგრეთიდან გაზის მიწოდების შეწყვეტა უკრაინაში კრიტიკულ სიტუაციას არ შექმნის და შესაძლოა, საარბიტრაჟო სასამართლოებში დავის საგნადაც იქცეს.