არაბთა გაერთიანებული საამიროების საჰაერო თავდაცვის სისტემები ირანულ რაკეტებსა და დრონებს იგერიებენ, – ამის შესახებ ქვეყნის თავდაცვის სამინისტრო იუწყება.
„არაბთა გაერთიანებული საამიროების საჰაერო თავდაცვის სისტემები ამჟამად ირანიდან შემომავალ რაკეტებსა და დრონებზე რეაგირებენ“, – წერს უწყება X-ზე გამოქვეყნებულ პოსტში.
მანამდე ცნობილი გახდა, რომ დრონებთან დაკავშირებული ინციდენტის გამო დუბაის საერთაშორისო აეროპორტის მახლობლად ხანძარი გაჩნდა და ფრენები დროებით შეჩერდა.
ამასთან, საუდის არაბეთმა განაცხადა, რომ შუაღამის შემდეგ 60-ზე მეტი დრონი მოიგერია. ახალი დარტყმების შესახებ ინფორმაცია გაავრცელეს ერაყმა და ქუვეითმაც.