ნიდერლანდების პოლიციამ როტერდამში, სინაგოგაში ხანძრის გაჩენის საქმეზე გამოძიება დაიწყო.
პოლიციის ცნობით, ხანძრის შედეგად არავინ დაშავებულა.
როგორც პოლიციაში აცხადებენ, ინციდენტი შესაძლოა, ირანის წინააღმდეგ აშშ-ისრაელის ომის ფონზე ანტისემიტიზმის გამოვლინება იყოს.
„დაახლოებით დილის 03:40 საათზე სინაგოგაში ხანძარი გაჩნდა. ცეცხლი ცოტა ხნით ენთო“, – განაცხადეს პოლიციაში.
ამასთან, „როიტერის“ ცნობით, ორშაბათს ბელგიაში კიდევ ერთ სინაგოგაში აფეთქება მოხდა, რასაც ხელისუფლება ანტისემიტურ თავდასხმად მიიჩნევს. თავდასხმის შედეგად არავინ დაშავებულა.
მედია წერს, რომ ირანზე აშშ-სა და ისრაელის საჰაერო დარტყმებისა და ირანის შემდგომი საპასუხო ქმედებების შემდეგ, მსოფლიოში გაიზარდა ებრაული თემების წინააღმდეგ შესაძლო თავდასხმების რისკები.