ევროკავშირის საბჭოს პრეზიდენტი ანტონიო კოშტა აზერბაიჯანში ჩავიდა.
ანტონიო კოშტა სოციალურ ქსელში წერს, რომ ვიზიტის ფარგლებში აზერბაიჯანის პრეზიდენტს, ილჰამ ალიევს შეხვდება.
„აზერბაიჯანი ევროკავშირის საკვანძო მნიშვნელობის პარტნიორია. ბოლო ერთი წლის განმავლობაში ჩვენ ხელახლა გავააქტიურეთ ჩვენი ურთიერთობა. ჩვენ ვალდებულნი ვართ, კიდევ უფრო გავაღრმავოთ ჩვენი ურთიერთობა უსაფრთხოების, ენერგეტიკის, ციფრული ტექნოლოგიებისა და ტრანსპორტის საკითხებში. ასევე განვიხილავთ უახლეს მოვლენებს სწრაფად ცვალებადი გეოპოლიტიკური სიტუაციის გათვალისწინებით“, – განაცხადა ანტონიო კოშტამ.