ირანის მიერ ბაჰრეინზე იერიშის შედეგად, სულ მცირე, სამი ადამიანი დაშავდა, დაზიანებულია უნივერსიტეტის შენობა, – ამის შესახებ „ბიბისი“ ბაჰრეინის შინაგან საქმეთა სამინისტროზე დაყრდნობით წერს.
შემთხვევა ბაჰრეინის ქალაქ მუჰარაკში მოხდა. სამინისტროს ინფორმაციით, ადამიანები რაკეტის ნამსხვრევების ჩამოვარდნის შედეგად დაშავდნენ.
შინაგან საქმეთა სამინისტროს განცხადებით, ირანული დრონით განხორციელებულმა თავდასხმამ ზიანი მიაყენა ქვეყანაში მდებარე ერთ-ერთ ქარხანასაც.