თეა წულუკიანის კომისიის დასკვნის ინგლისურენოვანი თარგმანი მომზადდება, რომელიც საქართველოში მოქმედ საელჩოებს გაეგზავნებათ – ამის შესახებ განცხადება შალვა პაპუაშვილმა გააკეთა.
“ეს დოკუმენტი გადაეცემა ყველა საელჩოს, გადაეცემა ჩვენს საგარეო საქმეთა სამინისტროს, რომ საელჩოების მეშვეობით მივიდეს ყველა რელევანტურ აქტორთან, ყველა კვლევით ორგანიზაციასთან, რათა თითოეული მტკიცებულებით ყველამ იცოდეს როგორი დიქტატორული რეჟიმი იყო 2012 წლამდე, რის რეინკარნაციასაც ახლა ცდილობენ ნაციონალური მოძრაობის სწორედ ამ რეჟიმის შემქმნელი ადამიანები – თქვა შალვა პაპუაშვილმა.